RSS Feed (xml)
စာဖတ်ပရိတ်သတ်တို့ ကြားချင် ကြားဘူးမှာပါ...
"ဗောဓိ ကုက္ကို ညောင်ထိုထို လူပျိုဘုရား မရှိငြား"
ဟူသော ရှေးစာဆိုတို့စကား ကြားဘူးမယ်ထင်ပါတယ်။ ဆိုလိုတာက
ဗုဒ္ဓ၀င် "ဗုဒ္ဓဖြစ်စဉ်"ကို လေ့လာ ဖတ်ရှုမယ်ဆိုရင်လူပျိုဘ၀နဲ့ဘုရားဖြစ်
တာ မရှိတာကို တွေ့ရပါမယ်။ဘာ့ကြောင့် လူပျိုဘ၀အနေနဲ့ ဘုရားမဖြစ
်တာလဲဆိုတာ မသိသေးသူတို့ သိချင်မယ်ထင်ပါတယ်။
မေမေ့လပြည့်ဝန်းလေး မှတ်သား ဖတ်ရှုဘူးတဲ့ ပါရမီကျင့်စဉ်ခန်းကို အခြေခံကာ ဗဟုသုတ
မှတ်သား ဖွယ်အနေနဲ့ တင်ပြပေးပါမယ်။
မေမေ့လပြည့်ဝန်းလေးလည်း ငယ်စဉ်ကကြားဘူးတာကတော့
"လူသား စင်စစ်က ဘုရားဖြစ်လာတယ်ဆိုတာ ဘုရားကို မယုံကြည်သူတို့အနေအားဖြင့် "
လူသားက ဘုရားဖြစ်တယ်ဆို ယုံနိုင်စရာ မရှိပါဘူး"
ယင်းအတွက် သား, မယားသက်သေ အနေနဲ့ ပြသဖို့ ဘုရားအလောင်းတော်တိုင်းဟာ
အိမ်ထောင်ပြုရတယ်၊ ဒါကြောင့် လူပျို ဘုရား မရှိတာ" ဟု မှတ်သားခဲ့ဘူးတာပါ။ ငယ်စဉ်က
မှတ်သားခဲ့ဘူးတဲ့ အဲဒီစကားဟာ သက်သေပြစရာ ပိဋကတ်အနေနဲ့ ရှာမတွေ့ရပါဘူး။ ယင်း
ကိစ္စနှင့်ပတ်သက်၍ စာပေများကို လေ့လာရင်း တွေ့ရတာကတော့. . .
ဘုရားဖြစ်ဖို့ရန်အတွက် ကျင့်စဉ်တွေထဲမှာ နေက္ခမ္မပါရမီဆိုတာ ပါပါတယ်။
အဲဒီနေက္ခမ္မပါရမီဆိုတာ လောကီစည်းစိမ်မှန်သမျှကို အပြီးအပြတ်စွန့်လွှတ်ကာအိမ်ရာတည်ထောင်
လူ့ဘောင်မှ ထွက်ခွာခြင်းလို့ အဓိပ္ပါယ်ရပါတယ်။
ယင်းနေက္ခမ္မပါရမီမှာလည်းပါရမီဖြည့်ကျင့်စဉ်အရ (၃)မျိုး (၃)စားကွဲပြားပါတယ်။
၁။ နေက္ခမ္မပါရမီ= အနှောင်အဖွဲ့, အတွယ်အတာ, အတားအဆီး, ငဲ့ကွက်စရာတွေ ပြောပလောက်အောင်
မရှိဘဲ ရိုးရိုးတောထွက်သွားခြင်းမျိုး၊
၂။ ဥပနေက္ခမ္မပါရမီ= ကိုယ်အင်္ဂါအစိတ်အပိုင်းနှင့်တူသောမိဘဆွေမျိုး,အိုးအိမ်, တိုက်တာ,တိုင်းပြည်
စည်းစိမ်နှင့်တကွ ရတနာ, ရွှေ, ငွေ အထွေထွေတို့ကို မငဲ့မညှာဘဲ စွန့်ခွာ၍ တောထွက်သွားခြင်းမျိုး၊
၃။ ပရမတ္ထနေက္ခမ္မပါရမီ= လောက၌ မရုန်းနိုင်လောက်အောင် အကြီးဆုံး အခိုင်အမြဲဆုံးဖြစ်သောအနှောင်
အဖွဲ့ကြီးကား မိမိ၏ အသက်နှင့်တူသော ကြင်ယာသက်ထား သား, မယားပင်ဖြစ်၏တဲ့၊ လောကချမ်းသာ
အပြည့် အစုံခံစား, စံစားနေရတဲ့ကြားထဲမှ သား, မယားတို့ကို စွန့်ပစ်ပယ်ခွာ၍ ယတိပြတ် ထွက်သွားနိုင်ဖို့
ကား အလွန်ခဲယဉ်သော အလုပ်ဖြစ်၏၊ မိမိအသက်ကို စွန့်သွားရသည်နှင့် တူပါတယ်။
ဘုရားအလောင်းတော်တိုင်းသည်ပရမတ္ထနေက္ခမ္မပါရမီတော်ကိုဖြည့်ကျင့်ရရိုးဓမ္မတာဖြစ်၍လူပျိုကြီး
တစ်ကိုယ်တည်းဘ၀နဲ့ မနေရပါဘူ၊ ကြင်ယာသက်ထား ပါရမီဖြည့်ဖက် ရှိရပါတယ်၊
ယင်းပရမတ္ထနေက္ခမ္မပါရမီတော်အတွက် ဖြည့်စွက်နိုင်ရန် အကြောင်းတရားများကြောင့်ပင်
"ဗောဓိကုက္ကို ညောင်ထိုထို လူပျိုဘုရား မရှိငြား"ဟု ရှေးပညာရှင်တို့ စပ်ဆိုခဲ့ကြတာပါ။
အဲဒီတော့ ဓမ္မမိတ်ဆွေတို့ မှတ်သားရမှာက.ဗုဒ္ဓ၀ံ(ဘုရားရှင်တို့ဖြစ်စဉ်)မှာလူပျိုဘုရား မဖြစ်/မရှိခြင်း
သည် ဘုရားလောင်းတို့၏ပါရမီဖြည့်ကျင့်စဉ်မှာ"ပရမတ္ထနေက္ခမ္မပါရမီ"ကိုဖြည့်ကျင့်ရသည့်အတွက
်အထက်မှာတင်ပြခဲ့တဲ့အတိုင်းအလွန်ခက်ခဲသော ယင်းပါရမီကို ဖြည့်ကျင့်ရန် အိမ်ထောင် သားမွေး
မှု ပြုရသဖြင့် လူပျိုဘုရားမရှိရိုးဓမ္မတာ ဖြစ်တယ်ဆိုတာကို.ဗဟုသုတဖြစ်ဖွယ်မှတ်သားစရာတစ်ရပ်
အနေအားဖြင့် တင်ပြလိုက်ပါတယ်..
အသိဉာဏ် ဗဟုသုတတိုးပွားကြပါစေ...
ကျမ်းကိုး....
ဗုဒ္ဓ၀ံသပါဠိ
ဓမ္မသင်္ဂဏီအဋ္ဌကထာ
သမ္မာမဂ္ဂင်္ဂပဉှာဒသနကျမ်း
ရေးသားသူ မေမေ့လပြည့်ဝန်းလေးhttp://maymaelapyaewann.blogspot.com
ကူးယူဒါနပြုပါသည်
သီလကျင့်စဉ်၊သမာဓိကျင့်စဉ်၊ပညာကျင့်စဉ်တွေကိုဖြူဖြူစင်စင်ဖြည့်ကျင့်ကာ စိတ်တွေဖြူစင်အောင်ထားတဲ့သူတွေဖြစ်ပြီး
သံသရာဝဋ်ဆင်းရဲမှလွတ်မြောက်ကြပါစေ
ရင်းနှီးလေးစားစွာနှင့်
ရောင်နီ၀၇
No comments:
Post a Comment