Subscribe

RSS Feed (xml)

Powered By

Skin Design:
Free Blogger Skins

Powered by Blogger

Saturday, November 21, 2009

တနင်္သာရီနယ်သား ပီသစေဖို့ရာ

တနင်္သာရီနယ်သား ပီသစေဖို့ရာ

ရွှမ်းသိင်္ဃ(တနင်္သာရီ)


နှင်းမှုန်ကြဲစ တန်ဆောင်းမုန်းလ ည ကောင်းကင်ကို ငေးရင်း တနင်္သာရီ မြို့ န၀ထပ်ဘုရားတန်ဆောင်တိုင်ပွဲအကြောင်း တွေးကွန်ယက်ဖြန့်လွမ်းနေတုန်း ကွန်ပြူတာမှ “တုန်…တုန်” အသံတစ်သံကြားလိုက်မိသည်။ အတွေးတွေ ခဏရပ်ပြီး ကွန်ပြူတာရှိရာသို့ လှမ်းကြည့်မိရာ ညီငယ်တောသားလေး က မလာစဖူး မပြောစဖူး g-talk message ပို့ရင်းတဟိုင်းဟိုင်းနှင့်။
စကားစမြည်ပြုမိပြီးနှင့် ဟိုတစ်စ ဒီတစ်စ ဖြင့် ထားဝယ်တန်ဆောင်တိုင်
ပွဲတော်ညကိုရောက်သွားသည်လေ။အလွမ်းတွေ ၊အတွေးတွေ ၊ဗဟုသုတ တွေဖလှယ်ရင်းက တနင်္သာရီ တိုင်းရဲ့ မူလ စကားလုံးနှင့် အဓိပ္ပာယ် အကြောင်းကို ရောက်သွားသည်လေ။
စာရေးသူ တစ်ခု စိတ်မကောင်းဖြစ်မိသည်မှာအမှန်ပင်။ လူတော်တော်များများက တနင်္သာရီတိုင်းကိုသာသိပြီး မူလဇက်မြစ် တနင်္သာရီမြို့ကို လူသိနည်းခြင်းကိုပင်။
တချို့ဆို တနင်္သာရီမြို့ဆိုတာတကယ်ရှိရဲ့လား..အဆန်းထွင်ပြောနေပြန်ပြီလို့ မယုံသင်္ကာပြောတာကို စာရေးသူကြုံဖူးသည်။
ထို့ကြောင့်လည်း စာရေးဆရာ တက္ကသိုလ်ကိုလတ်က မြန်မာမှန်ရင် ပုဂံရောက်ဖူးရမယ်ဆိုသလို..တနင်္သာရီတိုင်းသားမှန်ရင်တနင်္သာရီ ကိုရောက်ဖူးရမယ် လို့ပြောဖူးသည်။
ဘာပဲဖြစ်ဖြစ်တနင်္သာရီ် မရောက်ဖူးသည်ဖြစ်စေ၊ ရောက်ဖူးသည်ဖြစ်စေ ..တနင်္သာရီ စကားလုံးသန္ဓေတည်ဆင်းသက်ရာ ကို တနင်္သာရီတိုင်းသား အနေဖြင့် သိထားအပ်သည်
မို့ စာရေးသူ မှတ်သားစုဆောင်းရသမျှ ဖော်ပြရေးသားလိုက်ပါသည်။
(လိုအပ်သည်များပြင်ဆင်ရေးသား လမ်းညွန်ပေးပါရန် မေတ္တာရပ်ခံပါသည်။)




(က)တနင်္သာရီတိုင်းရဲ့ မူလဇစ်မြစ်

ကောဇာသက္ကရာဇ် ၈၅ ခုနှစ် ၊ (ခရစ် ၇၂၄) ယောနကတိုင်း သာဂရ ပြည် (ကြင်မိုင်း) ကျမိုင်းမြို့တော်၌ ထီးနန်းအုပ်ချုပ်မင်းလုပ်သော ခမာမင်းဆက် ကျမိုင်းမင်းကြီး၏ တောင်နန်းမတော် မိဖုရားကြီးတို့မှ ဖွားမြင်သော သားတော်နှစ်ကျိပ်တို့သည် အရွယ်သို့ရောက်သော် မြို့သစ်၊ရွာသစ် ထူထောင်ရန် နေပြည်တော်မှ ထွက်ခွာခဲ့ကြသည်။
ထိုနှစ်ကျိပ်သော မင်းသားများမှာ၊ သက္ကရာဇ် ၁၁၇ (၇၅၆)ခုနှစ်တွင် ယခု ကော့ကရိတ်မြို့နယ် ၊ကော့ဘိန်း အရပ်၌ ရမ္ဗပူရ၊ ရမ္ပ၀တီ နှစ်မည်ရမြို့ ကိုတည်သည်။
သက္ကရာဇ် ၁၄၅(၇၈၄) ခုနှစ်တွင် ယခုမြိတ်မြို့ မှ တောင်ဘက်မိုင် ၅၀ခန့် အကွာ ကက်သရင်းကျွန်း(ကန်မော်ကျွန်း) တွင် ကြက္ကလင်းမြို့ ကို တည်သည်။ကြက္ကလင်းမြို့ ၏ တစ်ကျိပ်သောမင်းတို့တွင် နောက်ဆုံးမင်းဖြစ်သော ဗြမုဒ္ဒရီမင်းသည် ထီးနန်းအုပ်စိုး၍ နှစ်နှစ်ကြာသောအခါ သက္ကရာဇ် ၂၆၃ (၉၀၂) ခုနှစ် တွင်ယခု တနင်္သာရီမြို့၊ ပ၀ကျေးရွာ၊
အုန်းပင်ကွင်း အရပ်၌ ထောင့်ကွာမြို့ (ကောသမ္ဘီမြို့) ကို တည်သည်။ ထောင့်ကွာမြို့ တွင် နှစ်ပေါင်း(၂၂၀) ၊မင်းဆက်၄၉ ဆက်စံရာ၊ ဗြစက္ကပိတ်မင်းမှာ နောက်ဆုံးမင်း ဖြစ်လေသည်။
ထိုမင်းလက်ထက် သက္ကရာဇ် ၄၈၄ (၁၁၂၃) ခုနှစ်သို့ ရောက်သောအခါ ထိုထောင့်ကွာမြို့မှ ပြောင်းရွှေ့ ၍ ယခုတနင်္သာရီမြို့နယ်၊ မော်တုန်းရွာ၊အရှေ့မြောက်ဘက်တွင် ဘန်ရှောင်မြို့ကိုတည်သည်။ ထိုမြို့သစ်တွင် တစ်နှစ်သာစံပြီး သားတော် များထားခဲ့ကာ မြစ်ညာသို့ တက်လျက် သိန္ဒောရွာ အထက်၌် သက္ကရာဇ် ၅၁၄(၁၁၅၃) ခုနှစ်တွင် အောင်သာဝရမြို့ကို ဆက်၍တည်လေသည်။ ထို့သို့ အောင်သာဝရမြို့ ကို တည်ပြီး၍ နန်းဆက် (၄၅)နှစ်တွင် ဗြံစက္ကပိတ်မင်းနတ်ရွာစံ တော်မူသောကြောင့် သားတော် ပရမရာဝါမင်းက ထီးနန်းဆက်လက်စိုးစံတော်မူလေသည်။

ဗြံစက္ကပိတ်မင်းသည်မှ မင်းဆက် ၅ဆက်နှစ်ပေါင်း ၁၁၇နှစ်၊ ထီးနန်းစိုးစံခဲ့ကြပြီး၊သက္ကရာဇ် ၆၃၀ (၁၂၆၉) ခုနှစ်တွင် ကျမိုင်းမင်းဆက်ကုန်ဆုံးလေတြေ့သည်။ထိုအခါ သမီးတော်တစ်ပါးသာ ရှိသောကြောင့် မှူးမတ်ပညာရှိတို့တိုင်ပင်ကြ့ပီး အရုဇ္ဇယတိုင်း၊ သာဂရပြည်ရှင် လင်ဇင်းမင်းကြီးက မိမိ၏သားတော် သုံးပါးအနက် အလယ် သားတော်ဖြစ်သော ဧကဒယ်ရာဇာ ကို ပေးအပ်သည်။ ထိုမင်းသားသည် မှူးမတ်ပညာရှိတို့နှင့်လိုက်ပါလျက် သမီးတော်ကို သိမ်းပိုက်ပြီး အောင်သာဝရမြို့၌ ခေတ္တနန်းစိုက်၍ သက္ကရာဇ် ၆၃၅ (၁၂၇၄)ခုနှစ်တွင် ခရင်းသေအရပ်၌ မြို့သစ်ထူထောင်သည်။ထိုမြို့ကို တနင်္သာရီမြို့ဟု ယနေ့တိုင်ခေါ်ဆိုနေဆဲဖြစ်လေည်။
ယောနကတိုင်းအမည်ကိုပျောက်စေ၍ တနင်္သာရီတိုင်းဟုတွင်စေသည်။

(ခ)တနင်္သာရီမြို့နှင့် တနင်္သာရီစကားလုံးဆင်းသက်လာပုံ

အောင်သာဝရမြို့ကိုတည်ရာ၌ ဗြံစက္ကပိတ်မင်းနှင့်ထိုမြို့တည်ရာမြစ်ညာအရပ်မှလူ
အသွင်ဖန်ဆင်းထားသောနဂါးမင်းတို့ တွေ့ဆုံပြီးမင်္ဂလာရှိသောအရပ်ဖြစ်၍ မြို့ရွာတည်ဆောက်သင့်ကြောင်း တည်လိုပါက မိမိနှင့်တကွ နဂါးများအားလုံးက၀ိုင်းဝန်းတည်ဆောက်ပေးကြ
မည်ဟုဆိုရာ ဗြံစက္ကပိတ်မင်းကဤသို့အကူအညီပေးလျှင်တည်ထောင်မည်ဟုဆိုသည်။
နဂါးမင်းမြို့တည်ရာသို့မိန်းမခေါ်လာခြင်းမပြုပါကအပြီးတည်ဆောက်ပေးမည်ဟုကတိတောင်းခံရာသဘောတူလျက်တည်ထောင်ကြလေသည်။
မြို့အတန်အသင့်ပြီးစီးချိန်တွင်ဗြံစက္ကပိတ်မင်း၏အငယ်ဆုံးမိဖုရားကလိုက်ပါလိုကြောင်းအတန်တန်ပြောဆိုလာသဖြင့်လိုက်လျောပြီးလှေ၏အလယ်တွင် ဖန်ပေါင်းချောင်ပြုလုပ်ထားရှိလျက်ကြည့်ရှုစေသည်။မြို့တည်ရာတွင် မြို့ရိုးကျောက်တုံးကြီးများစီခြင်း၊သယ်ခြင်းနှင့်မြို့အဆောက်အအုံများဆောက်ခြင်းကို မင်းကြီးနှင့်နဂါးမင်းသာကြည့်ရှုနေခိုက်ဖောင်အတွင်းမှအလန့်တကြားအော်ဟစ်သံကြားလိုက်ရသည်။
နေ့လည်စာပွဲတော်တည်ရာတွင်နဂါးမင်းက မင်းမှာသစ္စာ လူမှာကတိ ဆိုသည့်အတိုင်း ကတိမတည်ပဲမိန်းမခေါ်လာခြင်းမှာ နိမိတ်ဆိုးများ တွေ့ကြုံရကြောင်း အပြစ်တင်သည်။ မင်းကြီးကအလွန်မကျေနပ်ဖြစ်ကာ နဂါးမင်းအား စားနေဆဲလက်မှ ခရင်းဖြင့်နဂါးမင်း၏လည်ဂုတ်ကိုထိုးသတ်လိုက်ရာနဂါးအသွင်သို့ ရောက်ရှိပြီး လူးလိမ့်သေဆုံးသွားခဲ့သည်။
ထိုနဂါးသေအားရေထဲသို့တွန်းချလိုက်သဖြင့် မြစ်ကြောအတိုင်း စုန်ဆန်မျောပါသွားတော့သည်။ မြို့ရွာတည်နေသောနဂါးများအားလုံးဘောဂ၀တီနဂါးပြည်သို့ပြန်ကုန်သဖြင့်မင်းကြီးကပြီးအောင်ဆက်လက်တည်ထောင်ပြီး အောင်သာဝရမြို့တော်ဟုသမုတ်သည်။
နဂါးမင်းမျောဆင်းလာရာမှ တနင်္သာရီမြို့အ၀င် တောင်ကုန်းတစ်ခုတွင် လာကပ်နေ၍ နဂါးကပ်တောင်ထိုမှ ကာလကြာရွှေ့လျှော ခေါ်ဝေါ်ရာတွင်န၀ထပ်ဟုခေါ်သောယခုန၀ထပ်တောင်ဖြစ်သည်။ နဂါးသေ ကပ်နေရာမှ ဆက်လက်ရွေ့မျောပြီး ယခုတနင်္သာရီမြို့တည်ရာ အစွန်းတွင် နဂါးတင်နေ၍ ခရင်းခွဖြင့်ထိုး၍ သေသောနဂါးမင်းတင်ရာအရပ်ကိုခရင်းသေအရပ်ထိုမှ တနင်္သရေ ၊တနင်္သာရီမြို့ဖြစ်လာသည်။

(ဂ)တနင်္သာရီ စကားလုံး၏ အဓိပ္ပာယ်

တနင်္သာရီ စကားလုံး၏ အဓိပ္ပာယ်ကို ပညာရှင်အမျိုးမျိုးက ရှုထောင့်အမျိုးမျိုးမှအနီးစပ်ဆုံး သုံးသပ်ကြံဆ ရေးသားခဲ့ကြသည်။ မလေးဘာသာစကားတွင် တာနားဆရီး စကားလုံး အရ အဓိပ္ပာယ်ပြုလျှင်
တနင်္သာရီဟူသော ဝေါဟာရသည် တာနား =ပန်းများပွင့်လန်းခြင်း၊ ဆရီး=မြေ-
(ပန်းများပွင့်လန်းရာမြေ) ဟု လှပစွာအဓိပ္ပာယ်ရသည်။
တနင်္သာရီကို လူတော်တော်များများက တနင်သာရီဟု အသံထွက်ခေါ်နေ
ကြသည်မှာ ဘ၀င်မကျစရာတွေ့ရသည်။ တနင်္လာနေ့ကို တနင်းလာနေ့ဟု အသံထွက်ယူသလို တနင်္သာရီကို တနင်းသာရီ ဟု အသံထွက်ခြင်းသာဖြစ်သည်။ထို့အပြင် မူလကတည်းက ခရင်းသေ--တနင်းသရေ-တနင်္သရေ-တနင်္သာရီ ဟူ၍ အဆင့်ဆင့် ဆင်းသက်လာသည်မို့တနုင်္သာရီကို တနင်းသာရီဟု အသံထွက်ယူလျှင်ပိုပြီး အဓိပ္ပာယ်ပြည့်မည်ဖြစ်သည်။


(ဃ)တနင်္သာရီနှင့် ကဗျာအတွေး

သတင်းဖြာကြည် တနင်္သာရီ နယ်မှာဖြင့်
သီချင်းကဗျာသီ စာစီပြသနော်
ရေးမမီ ဆေးပန်းချီ ဝေကြည်ရွှန်းမြ
ရွှေရည်သွန်းချ အလှဂုဏ်ဖော် …..ပြီး စာရေးသူ ကဗျာတွေ အများကြီးရေးဖြစ်ပါသည်။ရောက်တဲ့နေရာတိုင်း တနင်္သာရီ အလှတွေ အကြောင်းကို ပြောဖြစ်သည်။ စာရေးဆရာတစ်ဦးက တနင်္သာရီ မြစ်ထဲ လှေစီးရင်း တနင်္သာရီ အလှ တွေဟာ ကမ္ဘာမှာအလှတွေ ပေါင်းစုံရှိတယ် ဆိုတဲ့ ဆွမ်ဇလန်နိုင်ငံမှာတောင် ဒီလိုအလှမျိုးကို မီမှာမဟုတ်ဘူးလို့ ပြောဖူးသည်ကို
မှတ်သားဖူးသည်။ ကဗျာအတွေးနှင့်ဆက်စပ်ပြီး- စာရေးသူ ရဲ့ တနင်္သာရီ အမှတ်တရ ကဗျာလေးကို လက်ဆောင်ပေးလိုက်ပါသည်။ (၂၀၀၃ သြဂုတ်လ ထုတ် ၊ရွှေသာရီ မဂ္ဂဇင်းတွင် ရေးသားခဲ့သောစာရေးသူရဲ့ ကဗျာ
ဖြစ်ပါသည်။)ထိုကဗျာလေးထဲမှ အမေးအဖြေကဗျာအတွေးနှင့် ဇာတိမြေချစ်စိတ်များ ပေါ်ပေါက်လာရင် သည်ဆောင်းပါး ရေးရကျိုးနပ်ပါပြီ….။


တနင်္သာရီသား မပီသသေးပါ

အိုဘယ့်လူသား..တနင်္သာရီင်္သားဟုတ်စွ
ဗုဒ္ဓဂါယာ မြေအနှံ့
ခြေဆန့်လှည့်လည်ဖူးပါသလား။

လှည့်လည်ဖူးဖြစ်
တစ်ကြိမ်မက၊ ခဏခဏ။

အိုဘယ့်လူသား..တနင်္သာရီင်္သားမှန်လျှင်
ပုဂံမြေတစ်ခွင်
ခရီးနှင်လေ့လာဖူးပါသလား။

လေ့လာဖူးတာမှ
နေရာအနှံ့နှံ့၊ခြေရာခြင်းထပ်။

အိုဘယ့်လူသား..တနင်္သာရီင်္သားဖြစ်ပေ
ရွှေတိဂုံခြေရင်း
ဝပ်စင်းပူဖော်ဖူးပါသလား။

ပူဇော်သည့်ရက်
ရေတွက်မရ၊ အကြိမ်ကြိမ်ဗျ။

အိုဘယ့်လူသား..တနင်္သာရီင်္သားအသင်
တနင်္သာရီတစ်ခွင်၊၀တ်ဆင်ဘုရားတစ်ဖြာ
ဝင်္ဂဘာအပြင်၊ရင်ပြင်ခြေတော်ရာတောင်ကလပ်
အထပ်ထပ်စုံလင်၊ဦးတော်တင်ဖူးပါရဲ့လား…။

ဒါက ဒီလိုရှိတယ်ဗျ
ခင်ဗျ…ခင်ဗျ….အဲအဲ…
အဲဒါကတော့ဗျို
ဟိုဟို…ဟိုဒင်း….
ဟိုဒင်း….ဟိုဟာပါပဲ
ဟဲဟဲ..ဟီးဟီ…ဟိုဟို…..။

ရွှမ်းသိင်္ဃ(တနင်္သာရီ)

(ဆန္ဒပြည့်ဝအောင်မြင်ပျော်ရွှင်တိုးတက်ပါစေ)

No comments:

Post a Comment